Буа театры гран-при яулады

Буа дәүләт драма театры Сербиядә уздырылган “Славия” ХIХ Халыкара театр фестивалендә гра-при яулап кайтты. Башкаласы Белград каласында уздырылган бәйгедә театр коллективы Иван Тургеневның “Муму” әсәре буенча сәхнәләштерелгән “Хуҗабикә” спектакле белән катнашкан. Фестивальдә Буалар белән бергә, Казахстан, Хорватия, Беларусь һәм башка илләрдән килгән көчле дәүләт театрлары мәйдан тоткан. Жюри халыкара фестивальнең иң яхшы әсәре дип, бердәм рәвештә Татарстаннан Буа тетры алып килгән “Хуҗабикә”не күрсәткән. Әсәрне режиссер Тимур Кулов сәхнәләштергән. Якташларыбызны иҗади уңышлары белән ихлас котлыйбыз!

Ирек НИГЪМӘТИ

Добавить комментарий