Грипп белән авырмыйлар

2018-2019 елгы эпидемиологик аралыкта Татарстанда 13 кеше грипп инфекциясе йоктырган. Әлеге авыруларның 10сына дуңгыз гриппы диагнозы куелган.
«Грипп һәм ОРВИ белән авыручыларның артуы күзәтелми», – дип белдерде сәламәтлек саклау министрының беренче урынбасары Сергей Осипов ТР Министрлар кабинетында узган брифингта.
Татарстан буенча 31 декабрьдән 13 гыйнварга кадәр вакыт эчендә 19 меңнән артык ОРВИ белән авыручылар теркәлгән. Әлеге сан эпидемия чигеннән 17,2% ка түбәнрәк.