Информатика һәм ИКТ буенча Бөтенроссия мәктәп укучылары олимпиадасы финалы

Татарстан информатика һәм ИКТ буенча Бөтенроссия мәктәп укучылары олимпиадасының йомгаклау этабын кабул итәчәк. Ул Иннополис университетында 11 – 17нче апрельдә узачак.

Россиянең 56 регионыннан 268 укучы информатика һәм мәгълүмати-коммуникатив технологияләр буенча иң яхшы белгеч исеменә лаек булу өчен көрәшәчәк.

12нче  апрельдә узачак олимпиаданы ачу тантанасында Татарстан Республикасы Премьер-министры урынбасарлары — мәгариф һәм фән министры Рафис Борһанов, мәгълүматлаштыру һәм элемтә министры Роман Шәйхетдинов, Россия Мәгариф министрлыгының гомуми белем бирү сыйфатын бәяләү өлкәсендә дәүләт сәясәте департаменты директоры Антон Четвертков, Иннополис университеты директоры Кирилл Семенихин һәм башка рәсми затлар катнашачак.

 

Добавить комментарий