Ленар Шәех – Иҗат Гильдиясенең күренекле шәхесе

Ленар Шәех – Евразия Иҗат Гильдиясенең күренекле шәхесләре исемлегендә.

Инглиз телендәге OCA Magazine журналы (Бөекбритания) соңгы унбер ел эчендә беренче тапкыр Евразия Иҗат Гильдиясенең атаклы шәхесләре белән әңгәмәләр җыентыгын бастырып чыгарган (Лондон).

Төрле илләрдән төрле өлкәләрдә эшләүче кырык кабатланмас талант үз иҗади һәм һөнәри тормышларына Евразия ничек йогынты ясавы турында сөйлиләр. Евразия Иҗат Гильдиясенең күренекле шәхесләре рәтенә кертелгән татар әдибе Ленар Шәех Татарстаннан бердәнбер вәкил санала. Үзенең әңгәмәсендә ул һәр укучыны дулкынландырырлык шәхси истәлекләре белән уртаклаша.

Ленар Шәех «Мәгариф» һәм «Гаилә һәм мәктәп» журналлары оештырып килгән «Әдәби карта» конкурсының эксперт советы әгъзасы булып тора.

Фото: tatar-inform.tatar

Добавить комментарий