Марсель Сәлимҗанов премиясе кемнәргә булыр?

Бүген Г.Камал исемендәге Татар дәүләт Академия театрында Марсель Сәлимҗанов исемендәге Республикакүләм театр сәнгате өлкәсендә казанышлар өчен премия тапшыру тантанасы узачак. Әлеге дәрәҗәле бүләк Татарстан Республикасында профессиональ театр сәнгатен үстерүгә зур өлеш керткән иҗат коллективларына, шәхесләргә ике елга бер тапшырыла.

Лауреатлар дипломнар һәм 200 мең сум күләмендә премия алачак.

Конкурс комиссиясе составына Татарстанның күренекле сәнгать әһелләре керә. Комиссиянең жюри рәисе ТР мәдәният министры Ирада Әюпова.

М.Сәлимҗанов исемендәге премия тапшыру тантанасын Александр Володинның «Санаулы кичләр» («Пять вечеров») спектакленең премьерасы дәвам итәчәк. Аны сәхнәгә режиссер Айдар Заббаров куйган.

Расиха ФАИЗОВА
Фото: tatmsk.tatarstan.ru

Добавить комментарий