Министрлыкның «Рәхмәт хатлары» белән бүләкләнделәр

25 декабря 2018 Мәгариф

Казан шәһәренең 3 нче гимназиясендә Татарстан Республикасы Премьер-министры урынбасары – Татарстан Республикасы мәгариф һәм фән министры Рафис Тимерхан улы Борһанов белән 2018 ел йомгакларына багышланган матбуган конференциясе булды. Чараның йомгаклау өлешендә ведомство башлыгы мәгариф өлкәсенә кагылышлы темаларны даими һәм тиешенчә яктырткан матбугат әһелләренә министрлык исеменнән рәхмәт хатлары тапшырды. Бүләкләнүчеләр арасында «Мәгариф» журналы баш мөхәррире Сөмбел Таишева, җаваплы сәркатип Раушания Хөснетдинова, «Гаилә һәм мәктәп» журналы баш мөхәррире Ландыш Насыйхова да бар.

Хезмәттәшләребезне әлеге югары бүләк белән котлыйбыз, алга таба да мөгаллимлек хезмәтенә хөрмәтле караш тәрбияләүдә армый-талмый хезмәт итүләрен телибез.