Рафис Борһанов БДИ тапшырачак

26нчы февральдә Татарстан «Ата-аналарның бердәм БДИ тапшыру көне» Бөтенроссия акциясенә кушылачак. Әлеге акция быел өченче тапкыр үткәрелә.
Акция беренче тапкыр 2017 елның февралендә узды. 7нче февраль көнне аңа Россиянең 50 төбәгеннән өч меңнән артык ата-ана кушылды. Акция катнашучылар тарафыннан уңай кабул ителгәнлектән, чараны ел саен үткәрү турында карар кабул ителде.
Ата-аналарга ТР Премьер – министры урынбасары - ТР мәгариф һәм фән министры Рафис Борһанов та кушылачак. Ул Советлар Союзы Герое А. С. Умеркин исемендәге Казанның 116 нчы лицеенда рус теле буенча БДИ язачак.

Фото: mon.tatarstan.ru