Сөмбел Гаффарова икенче мәртәбә әни булган

Кичә көндез язучы һәм журналист Сөмбел Гаффарова һәм Дмитрий Дмитриев гаиләсендә икенче кыз аваз салган. 
Сөмбел Гаффарова кечкенә укучыларга «Безнең-сезнең заманда» әкиятләр һәм хикәяләр китабы аша таныш. Язучы «Ялкын» журналының бер рубрикасын җитәкли, 2006 елдан «Сөембикә» журналында бүлек редакторы вазифасын башкара. Узган елны Г. Камал  исемендәге театрда Сөмбел Гаффарованың «Килмешәк» спектакле тәкъдим ителде.
«Мәгариф» һәм «Гаилә һәм мәктәп» журналлары редакциясе  котлау сүзләрен җиткерә! Сабыегызны исәнлектә-саулыкта, әти-әни тигезлегендә үстерергә язсын!

Фото: tatar-inform.ru