Татарстан укучылары Новосибирсктан «бронза» алып кайтты

Новосибирск өлкәсенең Бердск шәһәрендә яшь геологларның XII Бөтенроссия ачык олимпиадасы булып узды. ТР командасы олимпиадада өченче урын яулады. Кечкенә геологларны кичә Г.Тукай ис. аэропортта каршы алдылар. 

Геологларның XII Бөтенроссия ачык олимпиадасы 26 июльдән алып 5 августка кадәр дәвам итте. Чарага Россиянең 29 төбәгеннән һәм 6 якын чит илдән һәм Монголиядән 39 команда килде. Татарстан Республикасы данын  «Ферсман» командасы яклады.

Аның составында түбәндәге укучылар чыгыш ясады:

1. Анна Гаврилова, КФУ IT-лицееның 7 сыйныф укучысы;

2.  Әйшә Хәмитова, КФУ IT-лицееның 10 сыйныф укучысы;

3. Александра Маслова, КФУ IT-лицееның 8 сыйныф укучысы;

4. Таһир Галимов, КФУ IT-лицееның 10 сыйныф укучысы;

5. Гадел Сөнгатуллин, КФУ IT-лицееның 9 сыйныф укучысы;

6. Булат Газизуллин, КФУ IT-лицееның 10 сыйныф укучысы;

7. Элина Гайнуллина, Казан шәһәренең 93 нче гимназиясенең 10 сыйныф укучысы;

8. Александр Колущинский, КФУ IT-лицееның 11 сыйныф укучысы.

Добавить комментарий