Укытучы авыл мәктәбендә ничә ел эшләргә тиеш булачак?

РФ мәгариф министрлыгында «Авыл укытучысы» («Земский учитель») федераль программасы буенча киңәшмәләр уза.

1 миллион күләмендә грант алачак укытучыларның авыл мәктәбендә ничә ел эшләргә тиешле булуы хәл ителә. Министрлыкта федераль максатчан программада катнашу өчен яшь укытучыларны җәлеп итүне мөһим күрәләр. Шул ук вакытта, тәҗрибәле мөгаллимнәрнең авылларга кайтуын да өстен күрәләр.

Бүгенге көндә министрлык әлеге сорауга кагылышлы тәкъдимнәр кабул итә.

2020 елда Россиядә укытучылар өчен яңа федераль программа эшли башлаячак. Бу хакта Президент Владимир Путин  үз юлламасында хәбәр итте. Яңа программа авыл укытучылары өчен яңа мөмкинлекләр ачыр, дип көтелә.

 

Добавить комментарий