Быел Татарстанның яңа дәүләтчелегенә 25 ел тула — III (ФОТО)

Быел Татарстанның яңа дәүләтчелегенә 25 ел тула. Мәгълүм булганча, моннан чирек гасыр элек 30 августта ТАССР Югары Советы тарафыннан Татарстан Республикасы суверенитеты турында Декларация кабул ителде. Әлеге тарихи карар 1992 елда үткәрелгән референдумнан соң халыкта яклау табып, тагын бер мөһим вакыйгада – 1994 елда Россия белән Татарстан арасында төзелгән вәкаләтләр бүлешү турында Шартнамәдә дә чагылыш тапты. 2007 елда федераль үзәк белән республика арасында вәкаләтләрне бүлешү турында Шартнамә, яңартылып, РФ Президенты В.Путин һәм ТР Президенты М.Шәймиев тарафыннан имзаланды.

Татарстанның яңа тарих битләрендә, дәүләт төзелеше системасы буларак, парламентаризмга нигез салыну вакыйгасы да аерым урын алып тора: шуңа күрә быел Татарстанда парламентаризм формалашуның да 25 еллыгы билгеләп үтелә.

Сезгә тәкъдим ителгән фотосурәтләр шул чорның чынбарлыгын чагылдыра, заман сулышын күрсәтә. Ул елларга кабат әйләнеп кайтырга, хатирәләрне яңартырга мөмкинлек бирә. (Дәвамы). Башы.