Бөтенроссия киңәшмәсендә: тарих буенча бердәм дәреслекләр әзерләү һәм тәрбия эшен оештыру мәсьәләләре

16 октября 2024 Мәгариф

Мәскәүдә региональ мәгариф министрлыгы башлыклары, югары уку йортлары ректорлары һәм Россия Мәгариф министрлыгы карамагындагы федераль балалар үзәкләре җитәкчеләре катнашында бөтенроссия киңәшмәсе башланды.

Чарада бердәм белем һәм тәрбия киңлеге булдыруның мөһимлеге, үсеп килүче буын белән тәрбия эшенә яңача якын килү, бердәм дәүләт дәреслекләре әзерләү һәм мәктәп укучыларын һәм студентларны тарихи агарту әһәмияте турында фикер алыштылар.

Киңәшмә барышында Сергей Кравцов игътибарны мәктәп укучылары һәм студентлар белән тәрбия эшенең мөһимлегенә юнәлтте. Ул искәрткәнчә, бүген балалар өчен төрле һөнәри юнәлешле чаралар, дәрестән тыш дәресләр уза, патриотик тәрбия өлкәсендә программалар гамәлгә ашырыла, балалар һәм яшьләрнең «Движение Первых» гомумроссия иҗтимагый-дәүләт хәрәкәтенә керергә мөмкин.

РФ Мәгариф министрлыгы матбугат хезмәте материаллары буенча