Энгель Фәттахов татар мәктәпләрен тәнкыйтьләп чыкты

Республикада татар телендә белем бирә торган 742 мәктәп, 72 база мәктәбе эшли. Министрлык тарафыннан оештырылган тикшерүләр нәтиҗәсендә кайбер укытучыларның ике телле булмавы ачыкланган. Моның турында август киңәшмәсе утырышында министр Энгель Фаттахов әйтеп узды.

Күп кенә татар мәктәпләрендә укытучылар ике телне камил белүләрен дәлилли алмаган. Алар укыту программасын балаларга туган телдә җиткерә алмыйлар. Кайбер педагогларның белеме сөйләм теле дәрәҗәсендә генә.

«Тәрбиячеләр арасында да шул ук хәл», – дип белдерде Энгель Фәттахов. Узган елда Казанның 40 балалар бакчасын тикшергәннәр. Күп кенә очракта тәрбиячеләрнең татар телен белмәве ачыкланган.