Казан мөгаллимнәре Бөтенроссия туган тел укытучылары бәйгесендә призлы урыннар яулады

Нәтиҗәләр буенча, Казанның 11 нче күппрофильле лицееның татар теле һәм әдәбияты укытучысы Резидә Курамшина – икенче, ә Казанның 358 нче балалар бакчасы тәрбиячесе Алсу Галиева өченче урынга лаек булды.
«Иң яхшы туган тел һәм әдәбият укытучысы» титулын Карелиядән Глеб Фомин яулады. Тәрбиячеләр арасында беренче урынга Башкортстаннан Альбина Шәрипова лаек булды.

Быел бәйге финалында Россиянең 87 төбәгеннән 131 педагог, көч сынашты ( шул исәптән 85 укытучы һәм 46 балалар бакчасы тәрбиячесе).

Фото: ТР Мәгариф һәм фән матбугат хезмәте