Казанда Республика Яңа ел чыршысы узачак

Бәйрәм программасы 12:00 һәм 16:00 сәгатьтә булачак ике тамашаны үз эченә ала.

Чарада махсус хәрби операциядә катнашучыларның балалары, олимпиада һәм конкурсларда җиңүчеләр, балалар йортларында һәм интернат мәктәпләрендә тәрбияләнүчеләр катнашачак. Шулай ук республика чаралары активистлары һәм «ЮНАРМИЯ» Бөтенроссия конкурслары һәм акцияләренең төбәк этаплары җиңүчеләре чакырылачак.

Моннан тыш, Татарстан Республикасы Министрлар Кабинеты карары нигезендә махсус хәрби операциядә катнашучылар гаиләләреннән булган барлык балалар яңа ел бүләкләрен алачак.

Фото: Мәгариф һәм фән министрлыгы сайты