Күзләр белән бәйле сынамышлар

Ялтыраган кыйммәтле ташларга озак карамагыз. Алар сезнең акылны алырга мөмкин. Шул ук сәбәп буенча тулган Айга да озак карап торырга ярамый.

Соңгы арада тормышыгызда күңелсезлекләр күбәйдеме? Аккан суга карап торыгыз. Утка карап тору да яхшы, ул башыгызда кайнаган проблемаларны “яндырырга“ тиеш.

Гөнаһсыз сабыйларның күзләренә ешрак карагыз. Җаныгыз ни теләгәнне аңларсыз.
Әниегезнең күзләренә карарга яратасызмы? Бу карашыгыз аңа озын гомер бүләк итәргә тиеш.

Уң күзегезгә тузан керсә — яхшыга. Сул күзегезгә керсә, сак булыгыз.
Күзгә керфек керсә, теләкләр үтәлүгә икән.

Үлгән кешенең күзләренә карамагыз. Артыннан китәсегез килмәсә, дип яза "Кызыл таң".