Май бәйрәмнәрендә нинди һава торышы була

Май бәйрәмнәрендә Россиянең урта өлешендә җылы һава торышы көтелә, дип белдерде «Метео» фаразлау үзәге җитәкчесе Александр Шувалов. Бу хакта РИА Новости агентлыгы хәбәр итә.

«Май бәйрәмнәрендә көннәр чагыштырмача җылы булачак», – диде белгеч матбугат конференциясендә.

Александр Шувалов сүзләре буенча, монда Россиянең урта өлеше хакында әйтелә. Биредә һава температурасы нормадан 2–4 градуска югарырак булачак.

Шулай ук белгеч төньякта әлегә җылы көннәр көтелмәвен әйтеп узды. Россиянең көньягында исә мондый һава торышы бәйрәмнәрдә дә сакланачак, диелә хәбәрдә.