Татарстанда җәй көне 8 меңнән артык студент хезмәт отрядларында эшләгән

03 сентябрь 2026 Мәгариф

2026 елның җәендә Татарстанның студентлар хезмәт отрядларында 8 меңнән артык студент һәм укучы эшләгән. Алар республикада, Россиянең 12 төбәгендә һәм чит илләрдә хезмәт куйган. Бу хакта Татарстан студентлар хезмәт отрядлары матбугат хезмәте хәбәр итә.

Җәйге проектларда Россиянең 41 төбәгеннән яшьләр катнашкан. Алар «КАМАЗ»да йөк машиналары җыюда, Әлмәт районы хастаханәләрендә һәм «Алабуга» махсус икътисади зонасында эшләгән.

Татарстан яшьләре шулай ук Краснодар, Камчатка һәм Хабаровск крайларында, Түбән Новгород һәм Липецк өлкәләрендә хезмәт итә. Тугыз студент Мисырдагы «Эль-Дабаа» АЭСы төзелешендә, 10сы Белорусиянең Минск трактор заводында эшләгән.