Торак арендалау өчен укытучыларга ярдәм күрсәтеләчәк

Мәскәү өлкәсе Думасында кабул ителгән закон буенча, өлкә укытучыларына ай саен торак арендалау өчен 20 мең сум күләмендә матди ярдәм күрсәтеләчәк. 

Бу хакта Мәскәү өлкәсе Думасы рәисе Игорь Брынцалов хәбәр иткән. Аның сүзләре буенча,  февраль аеннан Мәскәү өлкәсе укытучылары ай саен торак арендалауга ярдәм алу өчен гариза яза алачак. Бу максатлар өчен 2024 елда якынча ике миллиард сум каралган. Гаризаны төбәк дәүләт хезмәтләре порталында бирергә мөмкин булачак.

Түләүне рәсмиләштерү тәртибе һәм шартлары Мәскәү өлкәсе хөкүмәте карары белән билгеләнәчәк. 

Таңсылу Габидуллина