Матди ярдәмнән алимент тотыламы?

Баласы тугач, хезмәттәшебезгә матди ярдәм күрсәтелде. Әлеге матди ярдәмнән алимент тотыламы?

Әлфия Хафизова, бухгалтер. Чаллы.

ҖАВАП:

Бер тапкыр бирелә торган матди ярдәм күрсәтелгәндә, бу акчадан алимент түләнми. РФ Хөкүмәте карары (№841, 18.07.1996 ел) нигезендә, балигъ булмаган балалар өчен алимент тотыла торган хезмәт хаклары һәм башка керем төрләре исемлеге расланган. Исемлектә эш бирүче тарафыннан бала тугач бирелә торган акчалата ярдәмнән алимент тоту төре каралмаган. Димәк, бала тугач күрсәтелгән матди ярдәм акчасыннан алимент тотылмый.

Фото: ИА «Татар-ифнорм»