Фитыр, фидия һәм нисаб күләме билгеле булды

Татарстан мөселманнарының диния нәзарәте фитыр, фидия һәм зәкят түләү өчен нисаб күләмен билгеләде. 
Быел фитыр сәдакасының минималь күләме – 100 сум, зәкят чыгаручыларга – 600 сум. Сәламәтлеккә бәйле рәвештә ураза тоту хәленнән килмәгән һәм аны башка вакытта каза кыла алмаучылар өчен һәрбер калдырылган көнгә фидиянең күләме – 200 сум. Зәкят түләү өчен нисаб күләме – 230 000 сум.
Рамазан ае 6 нчы майда башлана һәм 29 көн дәвам итәчәк.