Артур Мендруль - БТКның Аппарат җитәкчесе 

Бөтендөнья татар конгрессының Аппарат җитәкчесе итеп Артур Мендруль билгеләнде. Ул моңа кадәр ТР Сәнәгать һәм сәүдә министрлыгының рәсми протокол бүлеген җитәкләгән. Аңа 36 яшь. Лениногорск шәһәрендә туган.
БТКның штат расписаниесенә Аппарат җитәкчесе вазыйфасы 2018 елның 1 гыйнвареннан кертелгән булган. Бүгенге көнгә кадәр кандидатлар эзләгәннәр һәм менә Артур Валерьевичка тукталганнар. Ул бу эштә тәҗрибәле кеше һәм яңа вазыйфасын җиренә җиткереп башкара алыр дип өметләнә конгресс җитәкчеләре.