БДИның кимендә берсен туган телдә тапшыру хокукын бирүче закон проекты әзер

Бердәм дәүләт имтиханының кимендә берсен туган телдә тапшыру хокукы бирүне күздә тоткан закон проекты әзерләнгән. Аның авторы – РФ Дәүләт Думасы депутаты, Татар федераль милли-мәдәни автономиясе рәисе Илдар Гыйльметдинов. Бу хакта ул бүген Татар яшьләре көннәре делегатлары белән очрашуда хәбәр итте.

“Әйтик, чыгарылыш сыйныф укучысы химия, биология, физика кебек предметлардан имтиханны туган телендә тапшырырга тели, ди. Аның андый хокукы булырга тиеш. Әлбәттә, бу, һичшиксез, шулай булырга тиеш дигәнне аңлатмый. Биредә кеше хокукы турында сүз бара. Мәктәп баладан шул рәвешле имтихан алырга әзер икән, нишләп моны эшләмәскә?”– диде ул. РФ Мәгариф һәм фән министрлыгы белән бу мәсьәләдә киңәшләшүләр алып барылган. Туган телдә имтихан тапшыру мөмкинлеге һәр предметтан контроль бәяләү материаллары булуны, аларны әзерләүне күздә тота. Моның өчен, билгеле, өстәмә чыгымнар, кадрлар таләп ителә. Нәтиҗәдә, закон проекты әлегә шул этапта туктап калган.

«Татар-информ» МА материаллары буенча.

One thought on “БДИның кимендә берсен туган телдә тапшыру хокукын бирүче закон проекты әзер

  1. Гуглда күргәч үк әйбәтләп укып тормадым, сразу ачтым, әмма уыкыганчы «БДИның кимендә берсен туган телдә тапшыруны мәҗбүр итүче» дип аңлаганмын. Ничек инде ул кимендә берсенә генә хокук? Мин моңа риза түгел. Бөтенесенә дә хокук бар, конституция буенча.

Добавить комментарий