Сораштыруда катнашучыларның 14 %ы гына укытучылар арасында диагностик тест уздыру яклы

«Мәгариф» журналы үзенең Вконтакте социаль челтәрендәге http://vk.com/magarif_group төркемендә «5 ноябрьдә Татарстанның база мәктәпләре укытучылары арасында уздырылган диагностик тест турында фикерегез нинди?» дигән темага уздырган сораштыруга нәтиҗә ясый.

Сораштыруда бүгенге көнгә кадәр 111 кеше катнашты. Аларның күпчелеге (50 кеше — сораштыруда катнашучыларның 45%ы) «Укытучы халкын тынычлыкта калдырсыннар иде. Тестка әзерләнеп, күпме вакыт һәм нервы сарыф ителә, ә укучылар икенче планда кала» дигән фикерне куәтли.

47 кеше (42,3%) «Тест уздыру артык дип саныйм. Аттестация узганда болай да тест тапшырттыралар. Һәр укытучы үз предметын яхшы белә» дигән фикердә. Ә 14 кеше (12,6%) «Бу тестны уздыру кирәк иде. Чөнки укытучыларның укучыларны Бердәм дәүләт (республика) имтиханнарын тапшыруга әзерлисе бар» дигән фикерне хуплый.

Добавить комментарий

Ваш адрес email не будет опубликован.