Ничек тизрәк тамырландырырга?

Ботакларны тамырландырырга куйганда аларның яфраклары булмаса, алар караңгы урында тизрәк тамырланачак, ә менә 1–2–3 яфраклары булса, бу очракта аларга якты урын кирәк.

Үтәкүренмәле савытта озаграк тамыр җибәрәләр, ә үтәкүренмәле булмаганында  тизрәк.

Ботакларны тамырландырырга куйганда су күп салсагыз, аста кислород аз булачак һәм алар тамырлана алмыйча чери башлый.

Ботакларны тамырландырырга куйган суны алмаштырырга ярамый, ә өстәп торырга кирәк. Су алмаштыру алар өчен стресс була.

Ботакларны тамырландырырга салган суга 1 төймә активлаштырылган күмер салыгыз, дип яза "Кызыл таң".