«Бу җиңү — Казанны күрергә мөмкинлек»

«Мәгариф» журналы редакциясе Казанда иң актив укытучылар һәм тәрбиячеләр белән очрашты. 13 нче сентябрьдә «Яшел бишек» һәм «ФДББС буенча иң яхшы дәрес» бәйгеләренә йомгак ясалды. Без бәйрәмнең шатлыклы мизгелләре белән уртаклашуны дәвам итәбез!
Әлфия Мостафа кызы МИХАЙЛОВА — «Биология» номинациясендә «Кычыткан безгә дусмы, дошманмы?» дигән язмасы өчен «Мәгариф» журналының II дәрәҗә Дипломы белән бүләкләнде.  Әлфия Мостафа кызы Сарман районы Ләке төп мәктәбендә башлангыч сыйныфлар укытучысы булып эшли.

— «Яшел бишек» бәйгесендә икенче генә урын яуласам да, бу җиңү миңа Казанны күрергә мөмкинлек бирде. Мин Казан шәһәрендә соңгы мәртәбә 1995 елда булганмын.