Актаныш гимназиясе җиңү яулады

19 февраля 2021 Мәгариф

Актаныш гимназиясе укучылары кабат алдынгылар рәтендә: Бөтенроссия олимпиадасының төбәк һәм республика этапларында алар 60 призлы урын алган. Математика, технология, геология фәннәре олимпиадалары нәтиҗәләре уңышлы булса, бу сан тагы да артырга мөмкин.
Ни чәчсәң, шуны урырсың. Тырыш, максатчан укучылар өчен әзерләнергә мөмкинлекләр бар. Районда «Бүләк» укыту үзәге булдырылган. Укучыларга төрле фәннәрдән республика югары уку йортлары мөгаллимнәреннән өстәмә дәресләр, мастер-класслар алырга була. Узган ел гимназия Бөтенроссия олимпиадасының төбәк һәм республика этапларында 56 призлы урын алган иде.