Альберт Җәлиловның җыры премиягә номинацияләнгән

24 января 2024 Мәгариф

«Тынычлык файдасына» премиясе 2011 елда җырчы Валентина Толкунова һәм язучы Александр Усанин инициативасы белән булдырылган.

Татарстанның атказанган артисты, җырчы Альберт Җәлиловның «Татарстан» җыры сәнгатьтә игелек өчен бирелә торган «Тынычлык файдасына» (»На благо мира») премиясе номинациясенә эләкте. Бу хакта Татарстан Республикасының Россия Федерациясендәге Тулы вәкаләтле вәкиллеге матбугат хезмәте хәбәр итә.

Әлеге музыкаль әсәрнең көен һәм сүзләрен Ренат Кармаков язган. Җыр авторларына сылтама буенча тавыш бирергә мөмкин. Конкурс композицияләре ун баллы системада «Әхлаклылык» һәм «Профессионализм» критерийларында бәяләнә.

Чыганак: "Татар-информ"