Балалы гаиләләргә түләр өчен 2,58 млрд сум бүлеп бирелде

Премьер-министр Михаил Мишустин өченче һәм аннан соңгы балаларга айлык түләүләр өчен 2,6 миллиардка якын өстәмә акча бүлеп бирү турындагы боерыкка кул куйды. Бу хакта Кабмин сайтында хәбәр ителә. Хөкүмәтнең матбугат хезмәтендә әйтелгәнчә, акча 36 төбәккә җибәреләчәк.
Быел түләүләргә барысы 50,16 млрд сум тотылачак. Хөкүмәттә әйтелгәнчә, бу кадәр финанслау төбәкләрнең социаль ярдәмгә мохтаҗ күп балалы гаиләләр каршындагы бурычларын үтәргә булышачак.

Илһам ФӘТТАХОВ