Җиңүчеләрне котлыйбыз!

Бүген «Почта бүлекчәләре һәм почтальоннар конкурсы» җиңүчеләрен бүләкләделәр. Татмедиа әлеге бәйгене, «Татарстан почтасы» белән берлектә, җиденче тапкыр үткәрә. Конкурсның төп шартларының берсе – абунәчеләр санын арттыру. Җиңүчеләрне берничә номинациягә бүлеп билгелиләр. 2017 елның беренче ярты еллыгына язылу кампаниясе нәтиҗәләре буенча

 «Иң яхшы почта бүлекчәсе» номинациясендә – Кама Тамагы районы Теньки почта бүлекчәсе;

«Журнал буенча иң яхшы тираж» номинациясендә – Чүпрәле районы Кече Чынлы почта бүлекчәсе;

«Иң яхшы авыл почтальоны» номинациясендә – Балтач районыннан Кәлимуллина Рәмзия;

«Иң яхшы кече шәһәр почтальоны» номинациясендә – Арчадан Габдрахманова Гөлшат;

«Иң яхшы шәһәр почтальоны» номинациясендә Яшел Үзәннән Морозова Юлия беренче урын яулады.

Җиңүче почтальоннарга – 15 мең, ә почта бүлекчәләренә 30 мең акчалата бүләк тапшырылды.