«Йолдызларга карап» бәйгесенә эшләр кабул итү вакыты  озайтылды

Дуслар!  «Йолдызларга карап» бәйгесенә эшләр кабул итү вакыты 5 апрельгә кадәр озайтылды. Димәк, әле сезнең бәйгедә катнашырга вакытыгыз бар. «Гаилә һәм мәктәп» редакциясе Кукмара, Казан шәһәрләреннән конкурс эшләрен кабул итә башлады. 

Җиңүчеләр 3 яшьтән алып 18 яшькә кадәрге балалар арасында түбәндәге номинацияләр буенча билгеләнәчәк:

«Мин һаваны сайлыйм» (рәсемнәр);

«Кораб булса, шундый булсын» (төрле материал ярдәмендә ясалган һава корабы моделе);

«Җиһан кешеләре» (авиация һәм космонавтика тармагында эшләгән кешеләргә багышланган хикәяләр)

Эшләр агымдагы елның 5 апреленә кадәр gaila-mektep@mail.ru яисә 420066 Казан ш., Декабристлар урамы, 2 йорт, а/т 47 адресы буенча кабул ителә.

Җиңүчеләрне бүләкләү тантанасы 12 апрельдә Әлки районы Базарлы Матак авылында урнашкан Космонавтика музеенда узачак.