Рособрнадзор укытучылар өчен электрон документлар әйләнешен башлап җибәрәчәк

Мәгариф һәм фән өлкәсендә күзәтчелек итү буенча федераль хезмәт һәм мәгариф министрлыгы "Россия Федерациясендә мәгариф турында" Федераль Законның 47 статьясына педагогик хезмәткәрләрнең министрлык тарафыннан расланган Исемлектән тыш артык хисап документларыннан азат ителү хокукы турында төзәтмәләр әзерләде. Бу адым укытучыларны бюрократик эштән саклаячак. Ә кәгазь йөкләнеш ким дигәндә ике тапкыр кимиячәк, дип хәбәр итә Мәгариф һәм фән өлкәсендә күзәтчелек федераль хезмәте.
Моннан тыш, мәгариф һәм фән өлкәсендә күзәтчелек буенча Федераль хезмәт җитәкчесе Анзор Музаев сүзләренә караганда, укытучыларга эшләү уңайлырак булсын өчен мәктәп һәм колледжлар өчен электрон документ әйләнешенең бердәм моделен эшләү башлана. Документ әйләнешенең бердәм моделен апробацияләү 2022 елның сентябрендә башланачак.

«Российская газета» материаллары буенча