ТР Фән һәм технологияләр фонды грант бәйгесе җиңүчеләре билгеле

24 июль 2026 Лилия ХИСМӘТОВА

Бүгенге көндә фундаменталь фән ул – дәүләтнең стратегик ресурсы. Әлеге өлкәдәге ачышлар технологик бәйсезлекнең һәм социаль иминлекнең нигезе булып тора. Татарстан Республикасы Фән һәм технологияләр фонды иң перспективалы фәнни тикшеренүчеләрне ачыклау һәм аларга ярдәм итү буенча эшен дәвам итә.

22 июльдә Фондның конкурс комиссиясе фундаменталь һәм эзләнү тикшеренүләрен финанслауга юнәлтелгән еллык грант бәйгенең йомгакларын чыгарды. Нәтиҗәдә 51 җиңүче-проект билгеләнде. Аларның һәркайсы Фонд тарафыннан 2 миллион сумга кадәр финанс ярдәме алачак.

Быел бәйгегә төрле юнәлешләр буенча 360 гариза килеп ирешкән. Мондый күптөрлелек яшь галимнәрнең дә, тәҗрибәле профессорларның да фәнни эзләнүләрен үстерүгә югары кызыксынуын күрсәтә.

Бәйгенең әһәмиятле ягы — ул техник фәннәр генә түгел, ә гуманитар фәннәрне дә колачлый. Чөнки нәкъ менә алар мәдәният үсешенә һәм җәмгыятьнең киләчәк стратегияләрен формалаштыруга ярдәм итәләр.

Җиңүче проектларның тулы исемлеге, шул исәптән тикшеренү эшләренең атамалары белән кушымтадагы файлда танышырга мөмкин.

Барлык җиңүчеләрне котлыйбыз һәм аларга яңа ачышлар, иҗади рух һәм иң кыю идеяләрне гамәлгә ашыруда уңышлар телибез!