Тукай оныклары Яңа Кырлайда көтеп калалар

5 июль көнне кичке сәгать биштә Арча районының Яңа Кырлай авылы җирлегендә «Без – Тукай оныклары» палаткалы лагеренең I сменасының ябылу тантасы уза, дип хәбәр итә Мәгариф һәм фән министрлыгының матбугат хезмәте.

Лагерьнең төп максаты балаларны туган телгә тирәнтен өйрәтү, гореф-гадәтләрне, традицияләрне искә төшерү. Биредә олимпиаданың төрле этапларында, конференция һәм конкурсларда җиңү яулаган үрнәк укучылар ял итә ала.