Россия – Испания: бездә җиңүгә омтылыш көчле, ә испаннарда “тишек” урыннар бар
Әлеге матч башланырга санаулы минутлар гына калып бара. Дөресен генә әйткәндә Россия командасының группадан чыгуына күбебез ышанмады. Россиялеләр Согуд Гарәбстанын 5:0 исәбе белән җиңгәннән соң да, бу...
Әлеге матч башланырга санаулы минутлар гына калып бара. Дөресен генә әйткәндә Россия командасының группадан чыгуына күбебез ышанмады. Россиялеләр Согуд Гарәбстанын 5:0 исәбе белән җиңгәннән соң да, бу исәпкә төрле сәбәпләр уйлап табучылар күп булды. Ә инде икенче турда Египет командасын 3-2 белән җиңгәч “ә бәлкем” дигәнрәк өметле уйлар килә башлаган иде. Өченче турда Уругвайга коры исәп белән 3-0 белән җиңелгәч бу өметләр тагын әзәйде.
Казанның фан-зонасына әлеге матч башланырга берничә сәгать кала җанатарлар агыла башлады. Аларның бүгенге матч турында фикерләрен сорашкач, менә нинди җаваплар ишетелде:
“Испаниянең футболда тәҗрибәсе зур, алар әлбәттә гол кертәчәк. Менә тренер алышынуы әзрәк кире йогынты ясарга мөмкин. Ә Россиянең җанатарлары бик күп, бәлки алар ярдәме белән могҗиза булыр...”
“Йөрәгем белән әлбәттә Россия яклы, ләкин менә акыл җиңүгә ышанып бетми...”
“Месси белән Роналду өйләренә кайтып китте, нигә әле испаннарга да алар артыннан кузгалмаска?! Испаниянең һөҗүме яхшы, ә саклануда “тишек” урыннар бар, ә Россиянең җанатарлары күп һәм уенга омтылышы зур! Бәлки бу әкият дәвам итәр һәм без чирекфиналга барып җитәрбез!”
Чынлап та, нишләп әле безнекеләр җиңмәскә тиеш?! Алдагы ике-өч сәгатьтә бар да ачыкланачак
Комментарийлар