«Җылы рәхәте» акциясе

Бияләйләр иясен тапты. «Мәгариф», «Гаилә һәм мәктәп» журналлары редакциясе оештырган «Җылы рәхәте» акциясе кысаларында укучыларыбыздан килгән бияләй һәм оекбашларны  Арчаның картлар һәм инвалидлар йортында яшәүче әби-бабайларга һәм Арча районы Яңа Кенәр сәламәтлекләре ягыннан мөмкинлекләре чикле балалар өчен интернат мәктәбендә белем һәм тәрбия алучы балаларга илттек. Яңа ел күчтәнәчләре белән бергә күңел җылысын салып эшләнгән җылы әйберләргә барысының да  күңеле булды.

Безнең акциядә катнашкан һәркемгә рәхмәтләребез чиксез. Бергә булганда без бик көчле, дуслар! Алга таба да бергә булыйк!

Добавить комментарий