Рөстәм Миңнеханов Ольга Васильева белән очрашты

Татарстан Республикасы Президенты Рөстәм Миңнеханов Россия Федерациясе Мәгариф министры Ольга Васильева белән очрашты. Бу хакта Президентның матбугат хезмәте хәбәр итә. Очрашу Казан Кремлендә узды.

Очрашуда ТР Президенты Аппараты җитәкчесе Әсгат Сәфәров, ТР Премьер-министры урынбасары – ТР мәгариф һәм фән министры Рафис Борһанов һәм башкалар катнашты.

Очрашуда мәгариф системасын камилләштерү мәсьәләләре турында фикер алыштылар, шулай ук тармакның актуаль темалары да кузгатылды

Ольга Васильева Казанда узучы «Яшь профессионаллар (WorldSkills Russia)» VII илкүләм чемпионаты ябу тантанасында катнашачак.

Фото:  president.tatarstan.ru

Добавить комментарий