Тинчурин театры яшь тамашачыларны кабул итә

Тинчурин театры коллективы әледән-әле мәктәп укучылары өчен төрле кызыклы һәм мавыктыргыч чаралар үткәреп тора. Казан шәһәре Идел буе районының 16 нчы гимназиясе һәм Мәскәү районы Ф.Г. Аитова исемендәге 12 нче гимназия укучылары өчен кызыклы мастер-класс үткәрелде.

Чара вакытында театр артистлары һәм хезмәткәрләре аларны бутафория, грим һәм актерлык осталыгы серләренә төшендерделәр, театр сәнгатенә кагылышлы бик күп сорауларга җавап бирделәр. Очрашу ахырында балаларны Кыш бабай белән Кар кызы якынлашып килүче Яңа ел бәйрәме белән котладылар, бергәләп зур, матур чыршы янында фотога төштеләр.

Алия ӘБРӘРОВА

Добавить комментарий