Балалар сабан туе Красноуфимда

Кичә, 1 июнь көнне, Свердловск өлкәсе, Красноуфим районы Сыскы авылында бик күркәм һәм милли бизәкләргә бай IX өлкә Балалар сабан туе узды. Бу хакта Бөтендөнья татар конгрессы матбугат хезмәте хәбәр бирә.
Бәйрәм Сыскы мәктәбе Красноуфим районы хакимияте белән берлектә Свердловск өлкә «Урал татарлары» конгрессы һәм Татарстанның Уралдагы даими вәкиллеге ярдәмендә оештырылды, диелә хәбәрдә.