Бөтендөнья мәдәният көне

 15 апрелдә   Казандагы  Рерихлар җәмгыяте Халыклар дуслыгы йортында  дөнья мәдәни мирасын саклау турындагы беренче халыкара документ –   Рерих Пакты төзелүнең    88 еллыгына багышлап елдагыча тематик чара уздыра.
Чара иртәнге   10.00  дә  «Николай Рерихның иҗат юлы» дигән репродукцияләрдән торган күргәзмә белән башланып китә.  Аннан концерт  залында  галимнәр, укытучылар катнашында «Хәзерге заманда укытучының роле» дигән фәнни-иҗтимагый  конференция узачак.  Шунда ук  «Николай Рерих. Дөнья байрагы астында» дип аталган фильм һәм концерт номерлары күрсәтеләчәк.
Расиха ФАИЗОВА