Дөньядагы иң борынгы бәйрәм

Питрәчтә бүген  «Нәүрүз» бәйрәме узды. Биредә яңа көнне каршыладылар дип әйтә алабыз, чөнки Нәүрүз, фарсычадан тәрҗемә иткәндә, «яңа көн» дигәнне аңлата. Көн белән төн тигезләшкән көнгә туры китереп уздырылучы әлеге чара – төрки һәм фарсы телле халыклар арасында көтеп ала торган бәйрәмнәрнең берсе.   Бүген дә ул   җыр, бию, төрле уеннар, бәйгеләр белән үрелеп барды. Бәйрәм   кунаклары  коймак белән дә сыйландылар.
2009 елдан ЮНЕСКОның кешелекнең матди булмаган мәдәни мирасы исемлегенә кертелгән  «Нәүрүз»  дөньядагы иң борынгы бәйрәмнәрнең берсе булып санала.
Расиха ФАИЗОВА