География, әдәбият һәм химия буенча БДИ нәтиҗәләре расланды

Быелгы чыгарылыш сыйныф укучылары БДИ нәтиҗәләрен үз мәктәпләрендә һәм Рособрнадзорның рәсми сайтындагы  "ГИА" бүлегендә https://checkege.rustest.ru/ белә алалар, дип хәбәр итә ТР Мәгариф һәм фән министрлыгының матбугат үзәге.
Химия, әдәбият, география буенча куелган баллар белән килешмәү турындагы апелляциягә гаризаларны кабул итү 2023 елның 13, 14 июнендә чыгарылыш сыйныф укучыларын укыту урыннарында булачак.
Күрсәтелгән фәннәр буенча куелган баллар белән килешмәү турындагы апелляцияләрне карау 2023 елның 19 июнендә Казан шәһәре, Боевая ур., 13 адресы буенча билгеләнгән вакытта узачак.

Фәния Лотфуллина