Горький паркында бушлай мастер-класслар сериясе узачак

Казан башкарма комитетының мәдәният идарәсе хәбәр итүенчә, бүген Горький паркында бушлай бию мастер-класслары сериясе узачак. Дәресләр «Мәдәни чәршәмбе» проекты кысаларында оештырыла. Керү ирекле.
Кунаклар татар һәм кавказ биюләренең хәрәкәтләрен, шул исәптән лезгинканы өйрәнәчәкләр, шулай ук vogue стилендәге хореография белән танышачаклар. Программа дөрес техниканы һәм бию юнәлешләренең база хәрәкәтләрен өйрәтү, поза кую һәм актерлык осталыгын үз эченә ала.
Мастер-классларны Kavkaz Style халык биюләре ансамбле артистлары һәм аның җитәкчесе Сираж Джавазбеков үткәрәчәк.

Фәния Лотфуллина