Һадиуллин БДИ буенча югары баллы районнарны атады

БДИ нәтиҗәләре буенча Югары Ослан иң күп  югары балл җыйган районнар рәтендә. Бу хакта Татарстан Республикасы Мәгариф һәм фән министрлыгы башлыгы Илсур Һадиуллин Татарстан Республикасы Министрлар Кабинетында узган очрашу барышында хәбәр итте.
Чыгарылыш сыйныф укучылары югары баллар алган районнар рәтендә шулай ук Чаллы, Казанның Вахитов, Идел буе районнары, Минзәлә, Саба, Бөгелмә, Әгерҗе, Балтач, Әтнә, Баулы муниципаль районнары да керә. "1 июльдә 2023 елгы имтихан кампаниясенең төп чоры тәмамланды, әлегә бездә аның беренчел нәтиҗәләре бар", – дип билгеләп узды Татарстан Республикасы мәгариф һәм фән министры.