Ирек Шәрипов Татарстан Халыклар дуслыгы йорты директоры вазифасыннан ни өчен киткән?

Бүген Ирек Шәриповның Татарстан Халыклар дуслыгы йорты директоры вазифасыннан китүе билгеле булды.  Татарстан Мәдәният министрлыгының рәсми аңлатмасы буенча, ул бу эштән үз теләге белән киткән.
«Татар-информ» хәбәрчесенә ул үзенең эштән китүен яңа эш урынына күчү белән аңлата. Әлегә  Татарстан Халыклар дуслыгы йортын кем җитәкләячәге дә хәл ителмәгән, дип яза алар.
Ирек Шәрипов Татарстан Халыклар дуслыгы йортын 2012 елдан бирле җитәкләде. Ул – милли сәясәткә кагылышлы мәсьәләләрдә экспертлар составына керүче белгеч. 2014–2019 елларда Татарстан Дәүләт Советы депутаты иде. Татарстан Халыклар дуслыгы йорты соңгы елларда төрле федераль проектлар буенча актив эш алып барды.

Фото: addnt.ru