Мәктәп укучылары өчен грантлар

26 март 2026 Магариф

Татарстанның 5–11 нче сыйныф укучылары математика, физика яки химия өлкәсендәге уңышлары өчен 50 мең сумлык грантлар ала алачак. Бу хакта Талантлар университеты җитәкчесе Аделя Әхмәтова хәбәр итте.

Узган ел Татарстанның 200 укучысы проект кысаларында грант алган. Быел исә алар саны икеләтә күбрәк булачак, чөнки республикада «физик-химик алгарыш» та оештырыла.

«Физмат алгарыш»та катнашучылар өчен шартлар: предметлардан уртача баллның 4,5 тән югары булуы һәм профильле түгәрәктә 6 айдан артык шөгыльләнү. «Физхим алгарыш»та шартлар җиңелрәк – уртача балл 4 тән югары һәм түгәрәктә 3 айдан артык шөгыльләнү.