Мәктәпләр укучылар формасына карата таләпләрне мәҗбүр итәргә мөмкин

Мәктәпләр укучыларның тышкы кыяфәтенә карата таләпләрне расларга тиеш диелә  Россия Мәгариф министрлыгында. Узган җомгада тәкъдимнәр белән  депутатлар  Дәүләт Думасының профильле комитеты утырышында фикер алыштылар. Дискуссия барышында шулай ук дәресләрдә видеоны төшерүне тыю турындагы закон проекты да анонсланган.
Мәктәп формасы турындагы тәкъдим буенча, мәгариф оешмалары киемгә таләпләрне раслаячак, «мәктәпләрдә ертык джинслар, балахоннар булмасын өчен»  дип аңлатты депутатларга Мәгариф министрлыгы башлыгы урынбасары Андрей Корнеев. Аның сүзләренә караганда, хәзер мәктәпләрнең укучылар формасына карата таләпләрне беркетергә хокукы бар (ә бурычы түгел), аннан әлегә бары тик 37 төбәктәге уку йортлары гына файдаланган.