Рәссамнар Алексеевск балалары янында

Альберт Шиабиев җитәкчелегендәге Татарстан Рәссамнар берлеге елның-елында  районнарда  пленэрлар уздыра. Моңа кадәр ул Азнакай, Әгерҗе, Лениногорск кебек районнарда узса, быел кылкаләм осталары Алексеевск районында иҗат иттеләр.”Кама таңнары” дип аталган пленэр вакытында  рәссамнар балалар өчен осталык  дәресләре уздырырга да вакыт тапты. Бу юлы  Анатолий Данилов, Антонина Елисова, Илнур Бакиров, Альберт Шиабиев, балалар йортында булып, сабыйларга искитмәле бәйрәм оештырды. Бергәләп натюрмортлар да ясадылар, “балык та тоттылар”, балаларга Рәссамнар берлеге исеменнән бүләкләр дә тапшырдылар.
                                                       
Расиха ФАИЗОВА