Руслан Йосыпов «Код Будущего» Бөтенроссия кубогы финалисты булды

Россиянең 38 төбәгеннән 300 дән артык укучы сайлап алу сынауларында катнашты. 18 төбәктән 30 кеше финалга чыкты. Алар арасында Руслан Йосыпов Лениногорск шәһәренең 5 нче мәктәп укучысы да бар, дип хәбәр итә ТР Мәгариф министрлыгы матбугат хезмәте.
Новосибирскида алар классик IT-ярышлар форматында пилотсыз авиация системаларын программалаштыру өлкәсендә төп призлар һәм җиңүчеләр исеме өчен көрәштеләр.
Фото: ТР Мәгариф министрлыгы сайтыннан