«Сәйдәш» мәдәният үзәгендә танылган тарихи шәхесләргә багышланган спектакль күрсәтеләчәк

«Пантера» камера балет труппасы «Сәйдәш» мәдәният үзәгендә «Минем Казаным» спектаклен тәкъдим итәчәк.
Спектакльнең нигезендә туган шәһәргә мәхәббәттән туган хореографик картиналар ята. Аларда Казан тарихында һәм мәдәниятендә эз калдырган бөек кешеләрнең – Сөембикә, Гермоген, Тукай, Шаляпин, Җәлил һәм башкалар язмышы чагылыш тапкан.
Спектакль 14 нче апрельдә 18:30 сәгатьтә була, билетларны шул исәптән «Пушкин картасы» буенча да алырга мөмкин.

Фәния Лотфуллина